Milas, Turkey

Milas esta situado adriento de la Turkiya a 180 Kilometros al sur este de Izmir. Milas esta lokalizado en un Valle chiko,alrededor ay kuatro montanias.Un tiempo Los Gregos i los byzantinos moravan ayi, ay una seksion de kazas derekodas ke se yamava La Gregaria. I en grego la Sivdad se yamava Mylasus.

Los Djidios Sefaradim vinieron a MILAS de las Islas. Rhodes , Creta, KOS etc. Komo Milas era el sentro de unos Kazales de tarlas ( kampos de agrikulturas) i tambien ensenbravan el tutun(tabako) .

Munchas famiyas sefaradim ke no podian ganar sus panes en las islas de la mediterranea se fueron a bivir a Milas para mantener sus famiyas.

En 1900 avia serka 200 famiyas en Milas,avia dos kehilotes. i una eskola djudia para las kreaturas. A el moreh Leon Danon los Milaslis lo trucheron de Izmir a Milas.

Musyu Danon era una persona muy intelligente, ambezava a las kreaturas chikas, ebreo, fransaise, turko i Espanol. Musyu Danon parese ke era el primer sefaradi, ke les dava a sus Ijos/ ijas nombres ebreos ke no son diraktamente salidos de la biblia komo, Hadasa, Shifra, Menorah Tikvah etc.

La mudjer madame Diamante le paryo Seish kreaturas, a Musyu Danon mas despues, vos vo a eskrivir de los ombres de Milas.

Eliezer Kapuya